O Dan y Dderwen

Am dros ddegawd, bûm yn arbenigo fel ffisiotherapydd yn cynorthwyo pobl oedd yn dioddef poen parhaus a hirdymor gan gefnogi a helpu pobl oedd yn aml wedi rhoi cynnig ar bopeth arall oedd ar gael i geisio lleddfu'r poen, tensiwn a sypmtomau eraill ond heb lwyddo - meddyginiaethau cryf, llawdriniaethau, ymarfer corff ac yn y blaen.

Mi sylwais ar rywbeth pwysig iawn ynlŷn â phoen.

Wrth wraidd y symptomau corfforol, 'roedd y system nerfol wedi'w chloi i mewn i gyflwr 'amddiffynol' a'r corff wedi dysgu i ddal yn dynn i hen batrymau, wrth i'r person ymdrechu'n or- galed, ymdopi neu beidio ymateb er mwyn ymdopi o ddydd i ddydd.

Mae trîn y corff heb roi sylw llawn i haenau dyfnach y system nerfol yn golygu bod y poen yn parhau.

Daeth yn amlwg i mi hefyd ein bod yn aml yn gor-gymhlethu wrth ddadansoddi symptomau gan hefyd or-ymdrechu a gor-ymyrryd wrth geisio trwsio rhywbeth sydd, yn aml iawn, yn gofyn am symlrwydd.

Newidiodd y canfyddiad hwn gyfeiriad fy llwybr â’m ffordd o weithio.

Mae gennyf flynyddoedd o brofiad clinigol ac rwy’n credu'n gryf yng ngallu cynhenid y corff a’i angen am symlrwydd llwyr. 'Rwy’n ymarfer fel ymarferydd Somatic Experiencing® (SE), gan weithio hefyd gyda dulliau egni ac amledd y corff hefyd. Mae byd natur yn darparu lle diogel i arafu, gorffwys, a gwrando ar yr hyn mae’r corff eisoes yn ei gyfleu.

Mae’r ffordd hyn o gynnig cefnogaeth wedi’i lunio gan yr amseroedd â dreuliais yn gorffwys o dan goed derw ym mryniau Cymru yn ystod cyfnodau anodd iawn yn fy mywyd fy hun - eistedd yn dawel, yn pwyso yn eu herbyn, yn teimlo eu presenoldeb cadarn a gwreiddiedig, ac yn synhwyro sefydlogrwydd rhywbeth nad yw’n brysio nac yn mynnu dim. Mae’r sefydlogrwydd yma wedi’i blethu drwy bopeth 'rwy’n ei gynnig, wrth gerdded yn yr awyr agored, dod at ein gilydd gydag eraill, neu gyfarfod yn unigol.

Os ydych chi’n byw gyda phoen, blinder, symptomau straen neu symptomau heb esboniad clir, efallai y bydd fy null i o weithio yn cynnig ffordd arall ymlaen – nid drwy ofyn i chi drwsio, rheoli neu barhau i weithio arnoch chi’ch hun, ond drwy gynnig y gofod i arafu, gorffwys ac ailgysylltu – gan ganiatáu i gydbwysedd, rhwyddineb, llawenydd a bywiogrwydd ddychwelyd yn naturiol. 

Os yw hyn yn taro tant gyda chi, mae croeso cynnes i chi gysylltu - byddai’n braf iawn clywed gennych.